svei

þessi móðir er ekkert skárri en menn sem að misnota börn djö, hvað fólk getur verið sjúkt . vonandi komast þessi aumingja börn í góðar hendur 

Reyndi að selja tveggja ára gamla dóttur sína í vændishús

þannig er það bara .

þið verðið bara að hafa það að ég nenni ekki að blogga ,, setti samt nokkrar myndir inn í gær, set líklega restina í kvöld .. Kiddi fór í veiðitúr og ég er bara alein í kotinu á meðan, ætla að bjóða strákunum og Röggu(kærustunni hans Jóhanns) eitthvað út að borða í kvöld í tilefni af afmæli Jóhanns Helga sem er á fimmtudaginn .Jóhann Helgi valdi daginn í dag til að fara að borða . hér er ritskoðaður texti c.a. 10 centimetra langur  ,,.. 

bíddu nú við er þetta ekki blogg humm ... hvað er ég þá að tala um að ég nenni ekki að blogga  

hahaha,

Rúnar vörubílstjóri var að keyra upp Kringlumýrarbraut síðasta vetur.  Frostbarinn snjór lá yfir borginni.  Þegar Rúnar bíður á rauðu ljósi við gatnamót Suðurlandsbrautar bankar ljóska á bílhurðina hjá Rúnari.  Hann skrúfar niður rúðuna og ljóskan segir:
 

 - Hæ,  ég heiti Dísa.  Ég var að keyra á eftir þér.  Það datt hluti af hlassinu af bílnum þínum.

  Um leið kom grænt ljós og Rúnar brunaði áfram án þess að svara Dísu.  Hann þurfti aftur að stoppa á rauðu ljósi við Miklubraut.  Aftur bankar Dísa á bílhurðina.  Þegar Rúnar skrúfar niður rúðuna segir hún:

 - Hæ, ég heiti Dísa.  Það datt aftur hluti af hlassinu á bílnum þínum.

  Aftur kom grænt ljós áður en Rúnar nær að svara.  Við næstu gatnamót stoppar Rúnar á rauðu ljósi.  Hann stekkur út úr bílnum.  Hleypur að bíl Dísu,  rífur þar upp hurðina og gargar:

 - Hæ, ég heiti Rúnar.  Ég vinn við að dreifa salti á götur borgarinnar! 

ammli

Mamma á afmæli í dag .á besta aldri . Til hamingju mamma

Inga Systir mín og Öddi áttu 20 ára brúðkaupsafmæli í gær .. Til hamingju með það ..

Mamma og pabbi ætla að fara á Elvis tónleikana í salnum í tilefni dagsins og koma svo í mat til okkar á eftir, eins gott að gefa afmælisbarninu eitthvað gott að borða ..  

bloggleti ..

hef verið með eindæmum löt að blogga en, ég má það . En allavega erum að fara til London 20 sept, verðum með íbúð í láni sem vinur Kidda á. ætlum að fara á söngleikinn Litla Hryllingsbúðin. og auðvitað fá okkur að borða á frábærum stöðum, þekkjum orðið allnokkra góða staði í London sem við erum mjög hrifin af svo nýtum við auðvitað tækifærið og verslum á krakkana og svoleiðis.. Vínsmökkunartúr í Vinopolis er á dagskrá ( höfum farið 1 sinni áður) Tower of london er líka á dagskrá, ætlaði að skoða það síðast þegar við vorum í london en ekkert varð að því ..það er endalaust gaman að þvælast um london og einfalt að ferðast með neðanjarðarlestinni ef einhver er að fara til london þá eru þetta góðir vefir að skoða vinsælustu götur snilldarvefur  london.com  hægt að finna ýmislegt  allinlondon svo er Vinopolis þar er bar sem er hægt að fá besta Mohito cocteil í heimi að mínu mati .. nóg um það .

Bjarni Freyr er með svo mikla hálsbólgu að ég var að pæla í að fara með hann á læknavaktina í gær en hann fór að lagast þegar leið á daginn en ekki slapp ég svo vel við læknavaktina því  Jóhann Helgi kom í bæinn og hann var með svo mikla eyrnabólgu að ég fór með hann á læknavaktina og hann fékk auðvitað sýklalyf . annars var Jóhann Helgi skröltandi um á hækjum í gær því að hann sparkaði í vegg og tábraut sig í fyrrakvöld og rétt  að jafna sig eftir að lyftari keyrði yfir fótin á honum í vinnuni ( Byko) um daginn og ekki hafði vinnustaðurinn skaffað honum öryggisskó, drifu auðvitað í því þegar dregurinn lenti á slysó    

 

úff ...

það eru ekki nema tvær vikur þar til skólinn byrjar, það minnir mann á að veturinn er á leiðinni . jæja það er þá allavega hægt að hugga sig við að það er ekkert svo mikill vetur lengur ..þegar ég var barn þá snjóaði almennilega og við krakkarnir gátum leikið okkur við að búa til snjókarla og snjóhús,maður klofaði háan snjó til þess að komast heim úr skólanum  en í dag er eiginlega haust allan veturinn , sem er ágætt nema kannski ef fólk vill fara í jeppaferðir ( ég væri auðvitað til í það ) 

undarlegur göngutúr

fórum á Úlfljótsvatn með Maggý og Matta um verslunarmannahelgina þar var ekki svo mikið af fólki sem var fínt, stelpurnar voru með og  skemmtu sér vel í þrautabrautinni og í hoppukastalanum en voru svolítið fúlar yfir því að ekki var hægt að sigla á vatninu því að það of mikið rok, fórum í sund á Selfossi, þvílík og önnur eins stappa það er með ólíkindum hvað er gægt að selja inn lengi þó svo að ekkert pláss sé fyrir fólk í búningsklefum .. 

Seinnipartinn í gær fengum við okkur göngutúr með Bombu út í búð og stelpurnar hjóluðu með og á heimleiðinni voru þær svona 100 metrum fyrir framan okkur þegar kona flautar á þær og keyrir í veg fyrir Lilju Björt, stekkur út úr bílnum og vill fá að skoða verksmiðjunúmerið á hjólinu hjá henni og flýtum okkur á staðin til að vita hvað var í gangi en barnið var dauðskelkað og vissi ekkert hvaðan á sig stóð veðrið  við spurðum konuna hvað hún væri eiginlega að vilja og þá sagi hún hissa, hva má ég ekki skoða númerið á hjólinu Kiddi sagði nei ég skal bara segja þér að hún á þetta hjól og við sögðum Lilju Björt að koma bara , konan maldaði í móinn en ég sagði henni að hún yrði bara að hringja í lögregluna ef hún vildi láta skoða þetta .. með ólíkindum hvernig fólki dettur í hug að koma fram við börn og líka að hún var alveg viss um að barnið væri á stolnu hjóli þó svo að við segðum henni að svo væri ekki ... hvað er eiginlega að sumu fólki 

Bakaðar kartöflur með beikoni ..

þetta gerði ég í gær, auðvitað ekki alveg svona því að ég nota yfirleitt uppskriftir til hliðsjónar en þetta er ferlega gott ..ummmm 

 

Bakaðar kartöflur er hægt að breyta á auðveldan hátt í grillaðar bragð bombur

Hráefni

• 4stk bökunarkartöflur (foreldaðar)
• 100g Beikon (forsteikt stökt)
• 1 rif hvítlaukur í olíu
• 1 búnt söxuð steinselja
• salt og pipar
• ögn saxaður chili 

Aðferð

Takið bakaða kartöflu og takið innan úr henni með skeið, kryddið innihaldið með stökku beikoni, hvítlauksmauki, saxaðri steinselju, salti og pipar, líka er hægt að auka kraftinn með smá af söxuðum chili eða láta hugmyndaflugið ráða ferðinni.

Vefjið saman í álppapír, hýðið fyllt með kryddaða kartöflumaukinu og þá er kartaflan klár til upphitunar á grilli.

Borið fram með sýrðum rjóma

bara að bíða ,,

Nú er bara verið að bíða eftir að veðrið skáni svo að það sé hægt að leggja af stað með hjólhýsið í  verslunarmannahelgar útileguna ..  Förum með Matta og Maggý og hver veit hvort að einhverjir fleiri slæðist með því að þvílíkan eðalfélagskap eins og okkur öll er ekki að finna annarstaðar á þessu landi.

hrollur

þessi kónguló er fyrir utan einn gluggann heima hjá okkur á annari hæðinni, sem betur fer er ekki opnanlegt fag á þeim glugga ...  endilega klikkið á myndina til að sjá hana almennilega